【2021年萬聖節】好玩好 fun 狂歡推介（追加 3 個市集！）
去年 2020 年防疫之戰打得激烈，全港市民都要嚴防疫症，在家工作，居家生活；今年好多防痠措施都鬆綁了，今個 10 月，趁萬聖節氣氛，大家都出動 relax 下，投入不同活動，「開心動魄」狂歡一番！
除了香港兩大主題樂園的萬聖節派對活動，Reimagine 編輯們搜集了 6 個喺 10 月期間，好玩好 fun，可能又好驚嘅體驗，即睇推介！
《糖街製片廠 電影體驗館》港產鬼片 5D 感官經歷
港產鬼片為主題《糖街製片廠 電影體驗館》係本地團隊 vie-won-won 全新創作，首個結合電影及實體感官體驗經歷，集恐怖鬼屋、密室逃脫、表演於一身，將銅鑼灣都市傳説作為故事主線，講述於 1994 年，糖街製片廠發生了一場六級大火，當時正值拍攝名為《日落》電影的四名演員及工作人員當場身亡，因而後來人們都稱糖街製片廠為猛鬼影城。玩家會以《日落》試鏡演員為身份，透過解謎等方式，為亡靈完成遺願，並逃出製片廠完成任務。整個體驗約 45 分鐘，每次一組最多僅能 4 位玩家進入。
【萬聖節加碼】為配合萬聖節，體驗館推出 「孟蘭神功黑魔法」表演，故事背景融合《糖街製片廠》主題，結合盂蘭節神功戲概念，將魔術與戲劇以全新面貌呈現大家眼前！
【萬聖節再加碼】《糖街製片廠 電影體驗館》特別在 10 月挑選兩個月黑風高嘅晚上，加碼舉辦男女 dating 活動，特別適合初初拍拖嘅男女朋友！
日期：10月12日、10月26日
時間：7:00pm -11:00pm
票價：$780 / 男女同價
【糖街製片廠 X 香港柏寧酒店住宿套票】（已截止喇！）位於體驗館只有 3 分鐘步程的五星級酒店 – 香港柏寧酒店，特別推出《糖街製片廠 電影體驗館》門票連酒店住宿套票優惠，更享免費升級客房、「日落」雞尾酒（每位入住客人）、「DON DON DONKI」現金券（雙人房送 $200 或 四人房送 $300）等等優惠，星期日至四入住，套票價只需 HK$ 1,650（已包加一、服務費），想玩得抵啲，四人住宿只需 HK$2,640！
「香港柏寧酒店 X 糖街製片廠」5D 電影體驗連住宿套票（已截止喇！）
詳情及預訂：https://bit.ly/3zj5z1g
「糖街製片廠」電影體驗館
開放時間：15:00-21:30
地址：銅鑼灣糖街8號
購票：https://www.viewonwon.com/
圖片來源：「糖街製片廠」電影體驗館、香港柏寧酒店
《走進伊藤潤二的詭異世界》詭異恐怖再臨香港
你記得 4 年前伊藤潤二嘅展覽嗎？今年展覽再臨香港，以 5 大主題詭異恐怖漫畫場景主題畀你打卡過足癮！
今次展覽於荃灣南豐紗廠舉行，分別會以《至死不渝的愛》、《雙一恣意的詛咒》、《蛞蝓少女》、《沒有道路的街道》與《富江．鬼屋》5個故事為主軸、有 1:1 真人比例嘅漫畫主角模型亮相，展出伊藤潤二嘅漫畫模型等作品。
詳情
地址：荃灣白田壩街45號 南豐紗廠M層 The Annex
日期：2021年10月1日至10月31日
場次： 周末及公眾假期，每日13場，每場30人，參觀時間30分鐘
12:00 / 12:40 / 13:20 / 14:00 / 15:20 / 16:00 / 16:40 / 17:20 / 18:00 / 18:40 / 19:20 / 20:00 / 20:40
星期一至五，每日11場，每場30人，參觀時間30分鐘
13:00 / 13:40 / 14:20 / 15:00 / 15:40 / 16:20 / 17:00 / 17:40 / 18:20 / 19:00 / 19:40
票價： HK$180
圖片來源：The Mills, Cara Hung
《萬聖之林Halloween Forest》和諧粉彩 10 月限定主題
講開漫畫，你都可以趁萬聖節，落手落腳創作暗黑系列和諧粉彩畫。由開創和諧粉彩《結晶之花》的 Rumi lshimaru 石丸留美老師每月創作，今年萬聖節 10 月限定《萬聖之林 Halloween Forest》入門簡易體驗課，就係專攻一班又想玩又想玩得夠 artistic 嘅朋友。和諧粉彩不用任何經驗，更不需有豐富嘅藝術天賦；工作坊開辦後，部分上課日子火速爆滿，現加推星期五及星期六日夜晚！注意~ 二人即可開班！
體驗工作坊詳情
費用包括：成品一張，工具借用（不包畫框）
時間：45 分鐘
日期：10 月以下日子可供選
10 月 8 / 9 / 10 / 15 / 16 / 17 / 23 / 24 / 31 日（請於開課前最遲3天訂購並聯絡導師以確認時間）
時間：
星期五 15:00 至 21:00（其中 45 分鐘）
星期六或日 11:00 至 21:00（其中 45 分鐘）
費用：HK$238 / 位（二人開班）
四人同時報名，可額外享受 HK$ 50 優惠碼。
報名：https://bit.ly/3DmnCpz
白紙市集《日新百鬼城》
鬼靈精怪嘅萬聖節，又點止西方鬼怪，以日本鬼怪做主題嘅《日新百鬼城》將尖沙咀鬧市搖身一變成為百鬼城，市集位置就係尖沙咀 K11 Art Mall 白紙生活概念館。
今次市集更聯乘人氣 YouTuber「arhoTV」的 Sunny ＆ Creamy，兩位更準備「日新百鬼繪卷」畫集及限量版公仔，只限現場發售！想感受萬聖節氣氛，記得 mark 定日子同朋友過嚟做節啦！
詳情
日期：2021年10月16日-11月16日（第一期 逢星期五至星期日）
時間：12PM-9PM
地點：尖沙咀K11 Art Mall 1/F 121號 白紙生活概念館
《Fairish 黑心怪奇事件簿》週末市集
Market Fairish 將聯乘本地插畫品牌「黑心商店」以「黑心怪奇事件簿」為主題，一連六個週末於 The One 舉辦週末市集，擺賣的手作以恐怖、奇幻、神秘為主題。其中重點活動包括「十八區區區怪奇事件插畫展覽」、「怪奇手作市集」和「怪奇打卡站」等，帶大家找尋十八區怪奇事件的蹤跡！
詳情
地址：尖沙咀彌敦道100號 The ONE UG2 中庭
日期：2021年10月1日至11月7日（逢星期五、六、日及重陽節公眾假期）
時間：12:00nn – 08:00pm
「Fantasy of the Dead 死人頭狂想屋」展覽
呢個活動可以話係將西方兩大「生與死」節日融會：萬聖節及墨西哥的亡靈節。拉丁美洲文化團體 Chicaca Culture 將於中環的藝術空間 Cabinet of Stories 舉辦「Fantasy of the Dead 死人頭狂想屋」展覽，展出亡靈節相集及同步推出多項主題工作坊。讓你透過彩色剪紙、死人麵包、骷髏頭糖果，以及畫上Catrina「死人頭」妝容的人物佈置，重新認識生者與死者的界線。
Fantasy of the Dead 死人頭狂想屋展覽
日期：10月21日 (四 )至11月3日 (三)
時間：14:00 – 20:00 (星期一至五)；12:30 – 18:30 (星期六至日)
收費：$45（StoryTeller 會員免費入場）
CHICACA 亡靈節
日期：2021年10月21日至11月3日
地點：Cabinet of Stories(中環士丹頓街15號1樓)
查詢：https://www.facebook.com/chicacaculture
（最新收錄）裕民坊YM²《布公仔的搗蛋糖果節》主題市集
呢主辦單位邀請了 樹熊 @vipstorey 來做市集主題插畫，進駐新市集場地：裕民坊YM²。三大主題活動有集合不同匠人擺檔嘅 「手作區」、畀你儲印仔「集點」嘅遊戲活動區，仲有古典即影即有攝影服務體驗。市集只辦萬聖節呢個周末，現場參與活動就有機會得到萬聖節DIY手工包，數量有限，送完即止。
日期：2021年 10月30日至10月31日
時間：13:00-20:00
地點：裕民坊YM²（觀塘協和街33號）L1中庭 · 手作市集 及 B1裕民市集 · 工作坊活動
（最新收錄）去觀塘打卡！《Hublloween Market》
講開去觀塘嘅市集，呢一個市集都係最近「生活館」編輯們先收到，但一睇相就覺得一定要推介，因為好 IG-able 啊！呢個市集「Hublloween Market」將於 10 月 29 日至 10 月 31 日舉行，位置係觀塘嘅 Inspire Hub，有超過 50 檔特色攤檔，包括塔羅、服飾、飾物、香氛蠟燭、身體護理、特色食品、特色雞尾酒、水晶及手作小物等，當中攤檔更會特設萬聖節主題的產品。
場地亦設有萬聖節主題打卡位，不同恐怖元素於場內穿插，當中有發光迷幻場景、詭異佈置以及融入場地的鬼魂裝置，隨時嚇你一嚇！場內也準備了一些萬聖節主題服飾，方便大家隨時使用來扮鬼扮馬。
Hublloween Market
地址：觀塘偉業街133號三樓 Inspire Hub 全層
日期 ：2021年10月29日至10月31日
時間：12:00pm-8:00pm
入場送禮： 1. 入場人士可獲市集主題紋身水印貼一張 (送完即止) ； 2. 凡取得背後印上大會 Logo 的紋身水印貼，即可獲送 $50 市集現 金劵，可即時於場內使用 3. 入場送「友」Lager 啤酒一罐
（最新收錄）尖沙咀廣東道《13 吉祥嚇嚇 Halloween》市集
香港知名嘅靈異電台節目主持潘紹聰都會參與嘅一個市集，一個集身心靈、手作、靈異、萬聖、鬼屋於一身嘅市集，仲好歡迎到場嘅人化妝參與，因為同時間有個最佳造型大獎舉行！主辦會同第二人生 Crossover 六道輪迴鬼屋，潘紹聰有機會喺某幾場扮演指定角色，相當刺激根玩！
日期: 2021年10月29-31日
時間: 14:00-22:00 （30日有機會延後）
地點: 尖沙咀廣東道80號3樓
